أكيد في مصر

فيكتوريا عبود مؤسسة

2009-08-16T19:07:00.004+03:00

.
.
.
.
.
مين فينا ما ركبش مواصلات في حياته ؟

ومين فينا ما حصلوش بدل الموقف خمستاشر موقف في أي وسيلة مواصلات

ومين فينا ما شافش مواقف غريبة حصلت أدامه في أي وسيلة مواصلات

وسائل المواصلات عندنا حاجة كده أغرب من الخيال

من عجائب الدنيا اللي كترت أوي اليومين دول

وبقى الواحد عشان يركب مواصلة واحدة بيتمنى انه لو كان معاه دفتر وقلم

وجهاز تسجيل عالي الجودة

وكاميرا عالية النقاء لأنه ممكن يعمل أفلام تسجيلية

وياخد بيها جوائز إيمي وأوسكار والسعفة وأي جاية حتى جوايز الملبن بتاعت الموالد زمان

يعني أي وسيلة مواصلات بقى الواحد بيلاقي فيها جميع فئات الشعب

هاي أوي

ومتوسطين

وطبعا المعدومين اللي زي حالاتي

وتقدر تقول ان المواصلات عندنا في مصر وخاصة أتوبيسات النقل العام

هي أشبه بملحمة شعبية من جميع جوانبها

طبعا ملحمة عشان اللي بيحصل فيها واللي لو كان نجيب محفوظ شافه

كان سابه من الحرافيش وقصر الشوق وزقاق المدق

وكتب يوميات اتوبيس

وكان برضو ممكن ياتخد بيها نوبل

السبب التاني انها ملحمة

ان كل اللحم بيبقى كله في بعضه

تحس انها مفرمة لحمة

ملحمة بقى

مع مواقف في المواصلات

وطبعا مش هيبقى فيه أنسب من المواصلات نقول عنها مواقف

ولو المواصلات مالهاش مواقف هيبقى إيه اللي له مواقف ؟

انتظروني مع أبرز وأهم المواقف اللي صادفتني

احدث موقف حصل معايا كان امبارح بالليل

وكنت رايح شقتي وواقف ييجي نص ساعة مستني ميكروباظ

ومفيش أي ميكروباظ

جه واحد ربنا يكرمه من بتوع الميني باصات اللي هي تبع شركات دي

ووقف وحمل المكان اللي انا رايحه

الوقت كان متأخر أساسا كانت الساعة تقريبا اتتنين ونص

وقف وحمل

وفجاتن تلات ميكروباصات رايحين نفس المكان اللي انا رايحه

وقفوا ادام الميني باص بالعرض

وقالوله مانتش طالع بالركاب اللي معاك

وكنا خلاص قطعنا التذاكر

المهم فضلوا واقفين ييجي خمس دقايق

وهيتخانقوا مع السواق

واللي يقولله احنا مش عارفين نشتغل

مفيش ركاب طول النهار

واللي يقوللـه انت مالكش دية عندنا

ومش هتشتغل ع الخط ده تاني

بصراحة منتهى البجاحة وقلة الأدب

طبعا الركاب زعقولهم وواحد شتمهم

ماحنا واقفين بقالنا نص ساعة ومفيش ولا ميكروبا واحد جه ولا اتحرك

فعلا الواحد مش عارف ليه بقينا كده

كل واحد باصص لغيره في لقمة عيشه

باصص في رزقه

مع ان كل واحد هياخد رزقه

يبقى ياخده من حلال وللا من حرام ؟

طبعا لازم الواحد يسعى ويجتهد ويتعب

بس من غير قلة أدب ولا تعدي

الغريب ان الموقف ده مفيهوش غير شوية عساكر مجندين

واقفين ياعيني طول النهار اللي ياخد سيجارة

واللي ياخد سندوتش

واللي ياخد على قفاه

واللي بتدير الوقف واحدة ست دكر

قاعدة على كرسي في وسط الرجالة

وتشتم ده وتزق ده

والحكومة نايمة وكأن الموقف ده كان ملك لجدود الست دي وليها حق إدارته

موقَف غريب

الحدق يفهم

2009-07-07T11:15:00.003+03:00

.
.
.
.
.
نظر لي قائلا ....

أرأيت إلى السحابة تمطر

حُبَّا

لا يضيرها أنبتت الأرض عنبا

أنبتت شوكا أم أنبتت طينا

هبت نسمة هواء باردة أنعشت قلبي

فنظر قائلا

هوا بحري

ضحكت قائلا

ولكن دورة الهواء البحري سريعا ما تنقطع

رد : ولكن جهة الهواء البحري تظل دوما باردة تنعش الجسد

أما الهواء القبلي فدائما ساخن

حتى وإن سكن فجهته دوما ساخنة ثقيلة على النفس

ياشيطاني الأثير

2008-08-16T18:23:00.007+03:00

توسلت إليك ألا تقتله

بكيت أمامك

قبلت يداك وقدمك

كدت أضع رأسي تحت حذائك

كل هذا لئلا تقتله

ولكنك

اندفعت وراء شيطانك

وامتدت يدك بالخنجر المسموم

وقتلته

توسلت إليك ألا تقتل بقايا إنسان

وبقايا حلم

وبقايا حب

وبقايا حياة

وبقايا أمل

فما يضيرك أن تبقى هذه البقايا حية؟

توسلت إليك أن تترك شيئا منها حيا

رجوتك إن قتلت واحدا أن تترك الآخرين

ولكن خنجرك

ما أسرعه

طال الجميع

الإنسان
والحلم
والحب
والحياة
والأمل

لتتركني هكذا

بلا شئ

اقف وحدي منتظرا غوثا أو عونا

أنتظر أن ترد لي روحهم

انتظر أن تعيد لي ولو واحدا منهم

وأتناسى أنك قتلتهم رغم توسلاتي ودمعاتي

ياشيطاني الأثير

اما كفاك ما أخذت ؟

أما كفاك ما فعلت ؟

أما كفاك أن تركت لك نفسي

فسلبتها كل ما تملك

وبعدها تأبى أن تترك لها هذه البقايا ؟

أنحني على الأرض لألملم الأشلاء

لعلي أستطيع أن أعيد لها حياة

فيسبقني خنجرك

ليطعن

ويقطع

ويمثل

ليقتل أي لمحة حياة غير موجودة

ليبيد أي أمل بائد قبلا

لينهي أي حلم لم يبدأ

يا شيطاني القائد

لقد استسلمت لك

ورضيت أن تقودني

فهل تترك لي شيئا ؟

هل تترك شلوا واحدا ؟

ابكي عليه

اتريد أيضا أن تقتل دموعي ؟

أتريد أيضا تقضي على إحساسي ؟

لكم توسلت إليك أن تبتعد

وأن تترك حبي لها نقيا طاهرا

لكم رجوتك أن تصمت

وتتركها كما هي

ملاكا طاهرا

لكم رجوتك أن تنام ولو للحظة

حتى ينطفئ اللهيب بداخلنا

ولكنك

كعادتك

أبيت

أبيت إلا أن ترانا غارقين

أبيت إلا أن تقتل داخلنا كل خير

أبيت إلا أن تمحو وجود

الحب

والحلم

والعفة

والطهارة

والروح

عبدنا جسدينا

وأسعدناك

عبدنا شهوتينا

وعظمناك

رضينا بأن يبرز خنجرك من بين طيات ثيابك

ليقتل كل خير

ونبقى أحياء بلا خير

ياشيطاننا المقيت

لا تظنن ان دمعاتي ستعيقني

لا تظنن أن قلبي الضعيف سيوقفني

لخنجرك المثل

ولكراهيتك المثل

ولما فعلت المثل

لعله يوم لك

ولكن الباقي لي

سأواجهك بلا حلم
ولا حب
ولا حياة
ولا أمل
ولا عفة
ولا طهارة

ولكن معي من سيعيدهم
موعدنا غدا
أنت بخنجرك المسموم
وأنا ببقايا إيماني التي لم ترها
وأنا ببقايا إرادة ظننت أنك قتلتها من قبل
ولتعلمن أينا أشد بأسا
وأنقى

2008-04-17T22:06:00.003+02:00

الصور وصلت
ودى كانت أول صورة
أنا وهشام
طبعا انا الرفيع السفيف ده

صور الجيش

2008-03-20T21:21:00.002+02:00

طبعا التصوير في الجيش ممنوع
ده حتى التصوير قريب من الجيش ممنوع

بس على مين
عملناها واتصورت انا واصحابي
بموبايل 6600
يعني محدس يقوللي الصور مش باينة
والصور مش عارف إيه
لأن ده اللي كان متاح
أما ابقى قائد كتيبة
أبقى اجيب كامير 65416541232 ميجا بكسل واتصور بيها

وفي انتظار الصور تتبعتلي ع الميل
وكله هيبقى في التمام

تكلم حتى أراك

2008-03-20T21:03:00.001+02:00

كثيرا ما نشتكي الوحدة ،
ونادرا ما نرى شخصا يشعر بأنه مهم لدى الكثيرين من الناس ،
فتجد دوما من يتهم الآخرين بإهماله ، وبعدم السؤال عنه بأي طريقة من الطرق .
منذ أيام كان يحادثني أحد الأقارب هاتفيا قائلا أنه لا أحد يسأل عنه أو يكلمه إلا أنا .
كان الرد الداخلي - لأنه أكبر مني سنا ومقاما - :لأنك لا تسأل عن أحد ولا تكلم أحدا غيري .
لو كان ألم الإهمال من الناس صادقا وحقيقيا لعرفنا ما كان يجب فعله حقا .
كنت أسمع قديما الحكمة القائلة : "تكلم حتى أراك" ولا أفهمها بمعناها الحقيقي أو المتكامل ، كنت أظن فقط أن معناها : تكلم حتى أرى ما بداخلك .
ولكنها تعني الآن بالنسبة لي : تكلم حتى أكلمك ، اطمئن علي كي أطمئن عليك .
لو كان ألم التجاهل حقيقيا لابتدرنا الآخرين بسؤالهم عن حالهم فربما يعانون هم أيضا نفس ما نعاني منه ولا يجدون وقتا ليبوحوا بما لديهم أو ليطمئننوا على أحد .
وربما لا يدركون قيمة سؤالهم عن الناس هو بمثابة سؤال عن أنفسهم سيرد إليهم يوما ما .
لو أدركنا كم السعادة التي يدخلها سؤال عن الصحة أو الحال إلى قلب المسئول عنه ، لما بخلنا بها على أنفسنا .
لو تحس كم السعادة التي تغمرك عندما تاتيك مجرد رسالة قصيرة من شخص عزيز - أو كان عزيزا - واخذته الدنيا وطوته صحائف النسيان بعيدا عنك لما بخلت بها على غيرك الذي هو أيضا كان يظنك عزيزا وأخذتك الدنيا وطوتك صحائف النسيان .
تكلم حتى أراك فأعرف أنك ما زلت تذكرني وتحتفظ لي بمكان ولو كان فقط في قائمة الأسماء على هاتفك المحمول .
تكلم حتى أراك فأعرف أنك مازلت حيا تتألم وتحس ببعد الآخرين عنك .
تكلم حتى أراك فأتذكرك فربما كنت مريضا أو لا أجد وقتا أطمئن فيه عليك وحيت تتكلم أعرف أني مازلت على الأقل في عقلك .
تكلم حتى أراك ويتحرك فيّ الشعور الإنساني بأن أرد السعادة التي شعرت بها للحظات إلى من أشعرني بها .
تكلم حتى أراك فلا أبتعد عنك وتبتعد عني فتتضاعف سرعة الابتعاد .
تكلم حتى أراك .
سأتكلم حتى تراني ، سأراجع قائمة أصدقائي وأقاربي وأريهم نفسي ، واشاركهم لحظات من حياتهم .
سأراهم حتى يروني .
رسالة قصيرة أو مكالمة هاتفية على الأقل حتى يراك الناس .

.
.
.
.
.
أجابتني ملهمتي قائلة :
ولكن يا إبراهيم هناك الكثيرون لا يستحقون مجرد التواجد في ذاكرة الهاتف أو القائمة البريدية .... هذا فضلا عن تواجدهم قائمة قلبك أو عقلك .
كثيرون لا يستحقون مجرد سؤال قصير .... كثيرون لا يستحقون المعروف .... كثيرون لا يحتفظون بذكرى صديق أخلص أو قلب أحب .
كثيرون هم من فضلوا حياتهم المادية على قلبك برغم ما غذيتهم من دمه .
أجبتها موافقا .... ولكن هذا القليل المخلص المحب يستحق أن نتمسك به .... ونذكره .... ونظهر في حياته .

عودة مرة أخرى

2008-03-19T12:21:00.002+02:00

طبعا انا آسف على الانقطاع والغيبة دي
بس انا عارف ان محدش بيقرا المدونة غيري انا والتلمساني
بس أهوه
مش مشكلة
طبعا انا في الجيش ولذلك مش بدخل نت
بس اوعدكم بحاجات كتير حلوة اليومين الجايين
وكمان صوري في الجيش

اما بقى الأخ اللي بيقول انه زهق من الكلام
فهو زهق لأنه عارف ان اللي بيقوله مجرد كلام
انما لو بيعمل حاجة
مش هيزهق
واخد بالك يا تلمس ؟

2008-02-25T16:24:00.002+02:00

بصراحه انا زهقت من الكلام وحاسس انه مالوش اى نتيجه
وكمان شايف ان احنا المصريين فى الحقبه المباركيه الانحطاطيه دى
بقينا بنعرض المشاكل ومشاكل ومشاكل
ونجى عند الحلول ونقف
بس ده اخرنا
انا بكلم على غالبيه المجموع
نفسى حد يصححلى ويقولى ان الناس فعلا بتكلم عن المشكله وتفكر فى حل
نفغسى اطلع غلط
التلمسانى
من قال لا فلم يمت

عــــــــــــــــــــــــــــــوده بعد انقطــــــــــــــــــــــــــاع

2008-02-04T04:28:00.000+02:00

عدت اليكم بعد انقطاع لظروف حارجه عن ارادتى
ونعدكم بالتواصل الجميل

.
التلمسانى
.
.
.
.
.
.
.
واخر الاخبار عن رئيس المجلس الاعلى للمدونه انه معتقل بمعسكرات الجيش بالجبل الاصفر
ويبغث اليكم بسلامه الحار
التلمسانى
من قال لا فلم يمت

مش نافع الكلام ده

2008-01-03T15:24:00.000+02:00

تلمساني
بقوللك إيه اللي انتوا بتعملوه ده مش نافع
هقفل المدونة
أومال انتوا بتقبضوا له ؟
miss roaa
عايز شوية شغل
ومفيش حجج

أحسن والله
.
.
.
.
.
.
.
.
.
.

.
.
.
.
.
.
أقفل المدونة وتتشردوا في الشوارع

هي دي مصر يا حسني

2008-01-01T17:39:00.000+02:00

كلمتان رنتا في أذني منذ يومين

"بإيدي أطهرك من الخيانة يا ولدي"

و"هي دي مصر يا عبلة "

كلمتان قيلتا لمن خانوا الوطن وياعوه لصالح الكيان الصهيوني في فيلمين مصريين .

لينالا جزاءهما العادل بعدها .

ولكن الواقع المؤلم لا يؤكد أن من يخون ينال جزاءه بل يؤكد أن هذين الفيلمين وما جاء فيهما مجرد كلام سيما

سيما

من تلك التي يطلق عليها "سيما أونطة ، عايزين فلوسنا"

ليس لعيب في قصة الفيلم ولا أبطاله ولا إخراجه

بل لأنه يريد ترسيخ مبادئ هي الآن صورية ومجرد بورتريهات غير حقيقية

.الأمر الذي يجعلني أطلب وبقلب جامد بإلغاء هذين الفيلمين من ذاكرة السينما وعلاج آثارهما المدمرة على عقل الشعب المصري الغلبان جدا .

فما حدث منذ أيام للعالقين على الحدود بين مصر والأردن وفلسطين للحجاج الفلسطينيين

وما حدث بعده من لقاء الرئيس مبارك مع وزير دفاع الكيان الصهيوني

-مصادفة ومجرد مصادفة وقطع لسان اللي يقول غير كده-

ليملي عليه أوامره وأوامر أسياده من الأمريكان بخصوص الحجاج المسلمين الفلسطينيين العالقين على الحدود

وبالمناسبة أغلبهم من كبار السن والمرضى بأمراض مزمنة وخطيرة ونفد دوائهم منهم .

هذا لا يعد إلا بيعا للقضية الإسلامية والعربية والفلسطينينة وبيعا للمبادئ والريادة التي تتغنى بها مصر قيادة وحكومة

فما أن علمت حكومتنا الموقرة بأن الكيان الصهيوني لايريد للفلسطينيين أن يعبروا عبر معبر رفح بل ليعبروا من معبر كرم سالم الذي تسيطر عليه القوات الإسرائيلية ، وهي تعلم أنها لاتريد بهم إلا النكال واغتصاب أموالهم وانتهاك كرامتهم واعتقال من معهم من النشطاء ، حتى نفذت الأوامر والتعليمات ورفضت السماح بدخولهم الأراضي المصرية إلا بعد التوقيع على تعهدات بالمرور من معبر كرم سالم .

بصراحة لا يمكنني أن أعتبر هذا إلا خيانة وبيع للقضية مقابل كراسي أو معونات .

فما الذي فعله الجاسوس في مقابل ما فعله هؤلاء

هو باع معلومات قلت أوكثرت لن يصل بها الحال في يوم لتدمير وطن بأكمله

أما هم فباعوا وطنوا بحاله كله على بعضه

.إن الأولى بالفضيحة والتجريس التاريخي هم هؤلاء العملاء الخونة الذين تخفوا وراء قناع الزعماء وباعوا إخوة لنا في الدين والقومية والنضال والدم أيضا .

إعدام ميت والصعود إلى الهاوية وأبطالهما منصور وعبلة لا يستحقان إلا النسيان

أما هؤلاء فلا يليق بهم وبمكانتهم إلا التخليد في مزبلة التاريخ القذر

فلن يرحمهم التاريخ على خيانتهم وعلى إخضاعهم شعبا بأكمله لمقصلة العدو

.**************متعلقات

زيارة الرئيس الفرنسي ساركوزي وصديقته الفاتنة كارلا بروني لمصر ومعالمها السياحية ليسيحا معا في مصر

ويستمتعا بحلاوة شمسنا وخفة دمنا لأن الجو عندنا ربيع طول السنة

ويعيشا معا أياما على أرضنا الطاهرة بدون أن يكتب على البونَيَّة

وبعدها يلتقي الرئيس مبارك في شرم الشيخ

تدل أن الحكومة الآن "ق....."وأن الرئيس نفسه "عالق" ولكن بتصريف آخر للاسم .

معذرة

فلم أجد تعبيرا آخر أعبر به عن مدى سخطي واحتجاجي على الحدثين المقترنين إلا بالكلمة الجامعة المانعة التي يعشقها المصريون "قليل منهم

"التي لا يصح أن أكتبها وتراها أعينكم المحترمة والكريمة

إبراهيم محمد

رساله الى رجل لا يقرأنى

2007-12-21T03:06:00.000+02:00

إِلى الذِّي لا يقرَأ ،ويظُن بـ أنَّه لا يُكتب لَه ..
ماعدتُ أطيقُ تِلكَ الْمَسافَات الشاسعَة التِّي فُرِضَتْ علينا أن تكُونَ بيننَا .
.ولم تعُد لَدي تِلكَ المَقْدِرَة عَلى تحمُّل الْمزيد مِن الألَم ،
الْحزن ،
الإنتِظَار ..
ضِقتُ ذرعًا مِن هذا الْقهر ..
وضَاق بِي ذرعًا هذا الصبر .
.أمَا زِلت ..تُلاعِبني بـ الغياب !
تُدير ظهركَ ..عنِّي .
.ليَسْتبِّد بِيَ العَذاب !
ها أنَا ذَا ,أكتُب إليكَ بـ سذاجَة ..
وأنَا أشد العارفيِن بـ جهلك لأبجديِّتي ..
أنشَطِر وأنا أنزفُ حرْفِي تجَاهَك ..
أَنكَسِر عِندمَا يصِّفِق غيرُكَ لِمَا كَتبت ..
لا صوتِي يَصِل لَكَ .....
ولا الصدى يرتَد عليَّ !
لا أُريد أن أُعلَّق على جِدار تفاصِيلك ،كـ لَوحة بارِدة الملامِح ..
ولم أتمنى يومًا أن أَكُون كرسي عَتيق ،موضُوع فِي رُكنِ إهْمَالكَ الْمظلِم !
كنُتُ أتمنَّى فَقَط أن أكون نفسَكَ ..
أقَاسمكَ نبضَك ..
و..أنفاسك!
و كأن حُبك كَفّ ..
و أنا حبَّات رَمل ،مهما تماسَكتُ /سَـ أتَسَاااقط !!
خسرتُ الْكَثير لِكَي أكْسَبك ..
نَزفتُ الْكَثير لِكَي تَسْرِي بِي ..
بَعْثرتُ الْكَثير لِكَي أَجْمَعك ..
دَفنتُ الْكَثير لِكَي تَنْبَت بِي ..
كَسرتُ الْكَثير لِكَي أجبرك ..
نَفيتُ الْكَثِير لِكَي تَسْتَوطنَ بِي ..
وجَهِلتُ الْكثير لِكَي أَفْهَمك
..فعلت و .. فعلت و .. فعلت ..
!آهـ فَقط ،لَو تعلم !
يَا أنت :كُل مُحَاوَلاتي لِدَفنك بِي كَانَت فَاشِلَة !
كُل مُحَاوَلاتي لِمَحوُك منِّي كَانَت فَاشِلَة !
كُل مُحَاوَلاتي لِطَرْدك عنِّي كَانَت فَاشِلَة !
كُل مُحَاوَلاتي لِقَتلك بِي كَانَت فَاشِلَة !
كنت في كُل مرَّة ..تَزْداد بِي ،و ..تتكاثر !
متعبةٌ جِدًا ،يا أنا !..

أعجبتني فنقلتهاآ لكم ..

غريبة

2007-12-19T21:22:00.000+02:00

حقا أصبح الوضع في مصر غريبا غاية الغرابة ليس من ناحية الحكومة بالطبع
فما تفعله الحكومة لم يعد غريبا فهذه سياستها منذ 26 سنة منذ أن كنا أطفالا صغارا أو حتى في علم الغيب لم نولد بعد
فما تفعله الحكومة من نصب على المواطنين باسم القانون في تعديلات دستورية خليعة وفاضحة في شارع الوطن العام
وتطبيق للقانون على الضعفاء غير ذوي الظهور "جمع ظهر"
ووعود كاذبة بإصلاح ما أفسدته قوانينها العمشاء
وسن قوانين غير عرجاء وذات قبضة حديدية ونوايا إصلاحية
قوانين للصحافة والقضاة وغيرهما ،
كل هذا لا يمكن إدراجه إلا تحت مسمى النصب باسم الدستور والقانون
وتتطلب أن يقدم الدستور والقانون ضدها بلاغا لمباحث الأموال العامة والخاصة ضد الحكومة
هذا ليس غريبا .
وما يجدث من سرقة علنية وفساد وإفساد في بيع القطاع العام بأبخس الأثمان
ليحصل المشترون والبائعون من رجال الحكومة والأعمال على سبوبتهم من البيع
ومناقصات وعطاءات محسومة مسبقا لصالح فئة بعينها وأشخاص محددين
ودمغات ورسوم تفرضها الحكومة بصورة متزايدة غير مسبوقة
وفضائح المسئولين السابقين بعد خروجهم من وظائفهم
من الوزراء إلى صغار الموظفين والتي تنحصر بين السرقة والرشوة والاختلاس وتقاضي عمولات
في مقابل توقيعات أو تسهيلات لما لا ينبغي أن يوقع علية ولا يسهل
وما يحدث من رفع الحكومة يدها عن كل شئ إلا قفا المواطن
رفعت يدها عن الدعم ،
وتركت ميزان الأسعار في يد طغمة من رجال الأعمال الذين لا يرقبون في مصري إلاًّ ولا ذمة
وتركت النظرة الأمنية تتحكم في المسيرة السياسية التي تسميها بالديمقراطية
بداية من انتخابات البرلمان وحتى انتخابات الاتحادات الطلابية واختيار أساتذة الجامعات ورؤسائها وموظفي الحكومة ووزرائها بل وحتى أئمة المساجد .
وإطلاقها يد وزارة الداخلية وضباطها في التصرف والتحكم في كل شئ من الرشاوي والإكراميات
وإطلاقها أيديهم بعد ذلك على أقفية المواطنين وأعراضهم
هذا لا غرابة فيه ولا له رائحة الغرابة ،
بل إن حدث غير ذلك فهو ما يعد غريبا ومريبا .
لأن تلك هي السياسات التي تسير عليها الحكومة وتلتزم بها منذ 26 سنة
إما لإرضاء أسيادها المتحكمين فيها من الأمريكان وغيرهم
وإما ليستمر بقائها
وكلاهما في النهاية معنى واحد وهو سحق المواطن الغلبان الضعيف

.الغريب وغير الطبيعي هو هذا الصمت المريب والسكون العجيب للمواطن المصري
الذي ينصب على رأسه كل هذا القهر والذل
وتصيبه السرقة مباشرة وتنغرس في قلبه أنياب ومخالب الحكومة
هذا الصمت المصحوب بلجوء للتدين و تنامٍ للوعي السياسي الادعائي .
فلا يدل هذا السكون إلا على أثر عكسي لما يفترض أن يحدثه التدين والوعي السياسي
وعلى تفكك حقيقي يعانيه المجتمع بين فئاته
التي نجحت الحكومة في تفكيكها وتفتيتها حتى أصبح الجتمع مجموعة من المجتمعات المتناحرة داخليا
ولكن مهما كان هذا التفكك
فهو لا يبرر هذا السكون والخنوع والاستسلام لمقادير الحكومة وسياساتها الفاشلة الناجحة في مص دم المواطن وإهانته .
تفكك واستسلام لا يتيحان للحكومة إلا مزيدا من السيطرة و التحكم والفساد.
لا أفهم صراحة ما السبب الحقيقي وراء استسلامنا ورغبتنا عن الرفض وعن رفع الصوت بكلمة لا ولو مرة واحدة .
ربما يكون حب النوم والسكون
وربما يكون الخوف من عصا الأمن المركزي
أو يد المخبر
أو انقطاع الرزق الذي سيغرقنا نحن المصريين في يومين أضربنا فيهما أو اعتصمنا
ولولا الاعتصام أو الإضراب لأصابتنا خيرات من فوقنا ومن تحتنا .
بصراحة الأمر غريب
فما الذي يمنع ضحية من مجرد الاعتراض على السارق أو المغتصب أو القاتل
ومطالبته بالحق في كل أدب وهدوء

لو حد عارف يقوللي إيه السبب ؟

مرحبا بالحب

2007-12-18T23:26:00.000+02:00

سأطرق باب قلبك فهل سمحت لى؟؟
لكل قلب حزين
أريد ان اجلس فيك لبضع دقائق
اتجول فى حناياه اتمركز عند جروحه
أتسمح لى أن ألمس تلك الجروح؟
وأن أمسح عليها برفق...
أن أسمع لآناتها الشاحبه
إذا لنسدل ستار الهموم للحظات
وتعال لنعيش شئ من السعاده
تعالى نحلق بأرواحنا نحو الأمل
أعلم أن قلبك مثقل وأن زمنك متعب
ولكن يبقى هناك وميض من النور هيا نتبعه
أحب كما تشاء انت وليس كما يشاؤن هم
لكل عاشق ادمى فى قلبه هذا الحب
وملأت أطرافه رعشه الخوف والحزن واليأس
أنت فى حلقه مفروغه تدور حول نفسك
كل همومك بداخلها فحاول ان تشتت نبضك
ووجودك منها حاول ان تخرج لعالم ليس به هموم
أفعل ما شئت وأكتب ما شئت وحاول أن تحرر نفسك
من اى ألم مزق قلبك ودفن فرحك وأتعس ابتسامتك
فى عمق زمن الحب أمتزج معه الكره والحقد
فيدمر خلايا الذكريات فتسقط ورقه ذابله
أيامها الكئيبه تقتل أيامها السعيده
تجعل كل هذا يسكن فى قلبك ليله أو يسكن بالك لحظه
هناك الألام والهموم حقا ولكن لنجعلها ضئيله لا ترى إلا بالمجهر
ولكن!
فى نهايه لقائك بجرحك
صافح الحب ودعه يبتسم وابتسم معه للحياه
وإن امتلأت عيناك بالدموع فحتما ستكون ألذ
أترك لك شئ وابتسم للحب
اشعر بحب الحياه وما فيها
أشعر بالندم على ما ضاع من وقتك بدون حب
والآن حان الوقت لكى أخرج من قلبك
ولكنى أنرت لك الطريق
فأبحث عن الحب
حقا أنه قليل ولكنك ستجده
لأكنك ستكون صادق
ستفتح قلبك بعد خروجى منه للحياه
والحب....والأمل
فالآن أقول لك وداعا
هيا
قل لى وداعا... وأهلا بالحب

ترحيب ..... بشريكتنا في المدونة

2007-12-10T21:59:00.000+02:00

طبعا لأن أنا ديمقراطي

ولأن أنا معترف تماما بحق المرأة في المشاركة السياسية

والمشاركة في المسيرة الثقافية

وإن المرأة هي كمان لازم تروح في داهية زي ما الرجالة بيروحوا في داهية

قررت أنا

رئيس المجلس الأعلى لمدونة أكيد في مصر

قبول الرغبة الملحة للعنصر النسائي بالمشاركة في المدونة وأعمالها

متمثلة في الآنسةro2a

وربنا يكرمنا إن شاء الله

ونروح في داهية كلنا

أهلا أهلا بيكي

ونورتينا

وعايزين نشوف المشاركات

والتدوينات الجامدة

وربنا يستر

أمل دنقل .........أخر شعراء الموت

2007-12-08T15:57:00.000+02:00

يعيش بعض الشعراء بييننا وهم موتى .....
إنهم الرومانسيون .......
عشاق الألم ورفاق العذاب......
أصحاب القلوب المضطربه والنفوس المضطرمه والروح الحائره .....
يعيشون الموت وهم وسط الأحياء ......
يستثبلون الموت بإشارات خفيه
يرون فى الحياة سر الموت يلتصقون به........
وهم يبحثون عن لغز الحياه
يأتى شعرهم أعمق .....أعذب ......من شدة العذاب والعذوبه
إنهم شعراء الموت والفناء نجدهم فى كل العصور...........
يبذلون ارواحهم لفكرة ........فكرة تخيلوها فى محبوبه....
الشاعر العبقرى هايميزن كلايست إنتحر عند قبر حبيبته وهو فى الرابعة والثلاثين وهو يحلم بالمروج السماويه......
والشرنوبى الشاعر المصرى الذى حرم من حبيبته فمات على شريط السكه الحديد غارقا فى تفكير حااد
وأخر شعراء الموت هو أمل دنقل الذى اعطى الحياة كل عصارة عقله وتأملاته
ترك الموت بصمه على شعر أمل دنقل ....عندما مات يحيى الطاهر عبدالله رفيق حياته إنقلب المزاج النفسى لأمل دنقل كتب فيه
ليت أسماء تعرف أن أباها الذى حفظ الحب والأصدقاء تصاويره
وهو يضحك
وهو يفكر
وهو يفتش عما يقيم الاود
ليت أسماء تعرف أن البنات
خبأنه بين أوراقهن
علمنه أن يسير
ولا يلتقى بأحد
وقبل ذلك كان لموت أخت الشاعر أثر شديد فى ثراء لغة الموت عند ـ أمل ـ
أتذكر أختى الصغيره ذات الربيعين
لا أتذكر حتى الطريق إلى
قبرها المنطمس.........
ثم داهم السرطان جسد الشاعر النحيل ولم يبك ولم يخش الموت
صرت أنا والسرير
جسدا واحدا فى انتظار الموت
وفى صورة أخرى من صوره الشعريه ترى أن الموت يقف بجوار سرير ـ أمل ـ ويقوم بتحريضه
أمس: فاجأته واقفا بجوار سريرى
ممسكا ـ بيد ـ كوب ماء
ويد ـ بجبوب دواء
لم ينزغج أمل حين فاجأه الموت واقفا بجوار سريره حاملا له كوب ماء والدواء
تناولتها
كان مبتسما
وانا كنت مستسلما لمصيرى
رحم الله امل دنقل

مع أحد الشهداء فى فلسطين

2007-12-08T14:40:00.001+02:00

ولد فى قرية رافات بطولكرم بفلسطين عام 1966م

حصل على بكالريوس الهندسه الكهربائيه

خبير المتفجرات فى كتائب عز الدين القسام

خطط ل11 عملية استشهاديه ضد اليهود وتسبب فى مقتل 410 من اليهود

وضع له اليهود ماده متفجره وصلت الى 50 جرام فى التيلفون المحمول

شيع جنازته ربع مليون فلسطينى وأستغرقت الحنازه خمس ساعات

قال مدير الأمن الداخلى الإسرائيلى حينها بعد موته حان لبلاد ان تنفس بشكل طبيعى بعد مصرع يحيى عياش

إنه مهندس العمليات الإستشهاديه ............... انه يحيى عياش

عـــيــد مــيــلاده المـجــــيــد

2007-11-20T14:14:00.000+02:00

فى بلاد بعيده جدا عن الديمقراطيه

اللهم الا كلاما

وفى زمن ندعو ا الله أ لا نحياه أو نعاصره مرة أخرى

كانت تعيش مجموعه من الجنس البشرى

ولأن الجنس البشرى كله جنس واحد

مهما اختلفت شعوبه ولغاته

وتغيرت عاداته وثقافته وتراث

هوتقدمه وتخلفه مهما تفاوتوا

الا اننا نشترك جميعا فى أننا بشر

البلد دى كانت غلبانه و مسالمه

عشان كده يا عينى
كل من هب ودب ركب ودلدل رجليه

الا من رحم ربى

باختصار

كانت ملطشة الحكام وأعوانهم

كان كل اما ييجى واحد للحكم

ويقعد على الكرسىبعد مايأخد نفس عميق

(يدل على مدى استرخائه يدل بعد تلهف وتهافت وتشوق وقلق فزيييييييييييييييع على الكرسى )

بيكون شلة الاعوان

الحاشيه يعنى

وبيقسمها الى مجموعات

لعل اهمها تلاته

شلة الامن : ودى بقى بتاخد المعارضين الافشين

اللى كبدهم مهرى من النظام على السخن فى قانون الطوارئ

علاطول

بعد كده بقى شلة الاعلاميين

دول بيشغلوا برنامج معين لكل مواطن

على حسب مقاس جزمته

قصدى دماغه

وبعد الظهر بيشتغلوا فى فى الدعايه والاعلان والاستثمار والخصخصه

والاستقطاع والمصمصه والتهليل والتصفيق

وكله بحسابه

أخر شله الترزيه

دول بقى بيلينوا المسائل ويمرهنوا القوانين

بتاعت الخصخصه والاستقطاع والمصمصه

والعز واكل الوز

ولعل ابرز مايميز هذه المجموعات عن غيرها

السرعه والاتقان والحبكه فى الاداء

أخر قانون معدل هو قانون قديم

وقد تم تعديله مع مااراد له السيد الرئيس الحاكم بامر نفسه

وهو قانون التعيين

أصبح بعد التعديل كالتالى

(تدفع كام وواسطتك مين)

وبلاش نقول واسطتنا ربنا

أى نعم ربنا كبير بس همه ميعرفهوش حق المعرفه

يعنى نقول نظام الكوسه

وحتى لايختلط الامر بالبعض

فالكوسه فى هذا البلد ليست الخضار المحبب الى من يسمون بالنباتيين

ولكن له معنى اخر يوحى بالظلم وهضم حقوق الغير

والتمتع بمزايا ليست من مزايا صاحب حق الكوسه

فالكوسه هى المحسوبيه والرشوه والفسادوتفصيل القوانين على حجم فئه معينه

من أجل التحكم بزمام الامور فى يدها

فيالحسن حظ من ملك مزرعه كوسه أو جاورها

فينال بها ترقيات وعلاوات

يفخر بها على الاحياء والاموات

تعاقب على حكم هذه البلد ملوك ورؤساء

الى ان رسى كرسى الحكم على الرئيس الاطول زمنا

من حيث الحكم بعد رمسيس الثانى

محدش يسال مين هوه لاننا عارفينه بس بنصدر العبيطه

قاعة الحكم

عندما تدخلها تحس بكأبة المنظر

وسوء المنقلب فى المال والاهل والولد

اذا كنت من الشعب ده اذا دخلت أصلا

اما اذا كنت من أصحاب الكوسه او تجاور احد ملاكها

فستنتعش وتجهز الجملتين بتوع

نعم للرئيس

وبلدنا الرئيس

وتخرج من القاعه وانته طلبك منفذ

وعليه بوسه رئاسيه

ولعل اهم مايميز هذه القاعه كرسى من افخم ماصنع النحاتين

يجلس عليه السيد الرئيس

وقد نسجت العناكب واولادها واحفادهاخيوطا كثيفة جدامنذ ما يزيد على ربع قرن

وحط تحت جدا دى عشرو ميت خط

يدخل القاعه رجل نعرفه جميعا

بشكله وكرشه الذى يسبقه فى السير

لكى يفسح له الطريق

له عينان كعينى هر جشع

وعلى فمه ابتسامه رخيصه لا تفارق شفتاه

وهو يقول مخاطبا السيد الرئيس

الشعب فى انتظار خطابك ليذاع مباشرة على التلفزيون المصرى

بمناسبة عيد ميلادك المجيد

اعاده الله علينا باليمن والخير والبركات

(هوبيقصد بالعباره او الدعاء ده الحاشيه عشان دماغكو متروحش بعيد)

فيقول السيد الرئيس

هل الخطبه جاهزه

فيرد عليه بالايجاب ويناوله اياها

ويظهر السيد الرئيس يلبس أفخم بدلة عرفها التاريخ

وعبير العطر مغرق كعب سيادته

ونسرع جميعا الى القناة الاولى لعلنا نجد بصيص امل او اى جديد

فنجده يقول نفس الخطبه

ونفس الجمل

نفس الوعود البراقه

نفس الاحلام الورديه

التى نسمعها كل سنه فى عيد ميلاده

لا أعاده الله عليه وعليهم بالخير واليمن والبركات

قل لن يصيبنا الا ماكتب الله لنا

التلمسانى

حتى اشعار أخر

الجبن ..... والحلاوة

2007-11-17T16:54:00.001+02:00

اليوم

سأتكلم بفلسفة

وسأتفلسف

وسوف أضرب في أعماق المفردات اللغوية

التي هي بدروها ضاربة في القدم

والذي هو بدوره ضارب في أعماق اللغة

التي هي بدورها ضاربة في أعماقي

ولاحظوا معي كلمة بدورها

لأننا سنحتاجها بعد قليل

الموضوع وما فيه كما قلت آنفا

هو علاقة الجبن بالحلاوة

أو علاقة الحلاوة بالجبن

طبعا لا أتوقع أن يظن أحدكم أني أقصد الجبن الاسطانبولي

أو الشيدر

أو أشباههما

إنما أقصد الجبن

البراميلي

قصدي

الجبن

الذي هو ضد الشجاعة

إذن

لو أمكننا استنتاج العلاقة بين الجبن المأكول والحلاوة

أن كلاهما بيتاكل في الفطار

والعشا

وهذه علاقة وثيقة لا يمكنكم إدراك مغزاها

مالم تونوا أقمتم في منفى بعيدا عن أهاليكم

المهم

ليس موضوعنا الآن

المقصود

هو العلاقة

والرابطة

التي ألف وادور حولها

بين الجبن

والحلاوة

تعالوا نتكلم ببساطة وبدون تعقيد

ولكن بفلسفة

لو افترضنا أنك متزوج من امرأة جميلة

لطيفة

رقيقة

باسمة الثغر

وتتمشيان في ليل حالك

في منطقة منعزلة

وبعيدة عن العمران

وفجاة إذ بمجموعة من البلطجية

يخرجون عليكم

متسنجين بمطاويهم

فماذا سيكون رد الفعل

لا تقنعني بأنك ستكون أشجع الشجعان

وستقف محاربا مدافعا عن حماك

وعرضك

وعرض زوجتك

أو المزة بتاعتك اللي معاك

أقل واجب هو أن تأخذها وتفر من المكان

هذا شاهد ومثال

احفظوه جيدا

الثاني

بلدنا

الحلوة

الجميلة

اللي كل حاجة فيها حلوة

وكلنا بنحبها

عن نفسي أراها جميلة وحلوة

وعلى قدر كبير من الحلاوة

لهم حق أهلها أن يخافوا أن يرفعوا أصواتهم

حتى لا يتسببوا في تشويه جمالها

أو إزعاجها حتى لاتتقلص ملامحها الجمليلة الفتانة

وهذا شاهد آخر

لو انت مثلا بقى معاك عدة

n95

وقاعد مع زمايلك

أكيد وطبيعي

انك تخاف تطلعها من جيبك

أولا

ان العدة حلوة

وجامدة

طبعا تخاف واحد ينشها عين

او ان واحد غشيم يتغاشم على الزراير

ويعمللك فيها حاجة

طبعا

ده جبن

طبعا سواء اتفقتم معي أو اختلفتم

حول علاقة الجبن بالحلاوة

اللي انا عايز أقوله

ان الجبن

لابد وأن تكون له علاقة وثيقة بالحلاوة

ولكن الخضوع

والاستسلام

مالهمش أي علاقة بالحلاوة

ولا بالوحاشة

ياجماعة بلدنا حلوة

يبقى نخاف عليها

مش نخاف ندافع عنها

والحمد لله

معدش عندنا حاجة خاصة بينا نخاف عليها

لافلوس

ولا منصب

ولا جاه

مفيش غير الحلاوة

وبجد تستحق ندافع عنها ندافع عن طفل برئ

مش لاقي ياكل وبيضطر يشحت

عن بنت جميلة مش عارفة تتجوز

عن شاب محترم

ومتعلم ومتدين

ومش لاقي شغل عشان يتجوز

كل دول حلوين

لازم نخاف عليهم

ده برضه في مصر

2007-11-14T22:59:00.000+02:00

كيلا نكون متشائمين

ولا سوادويو النظرة

فيما يخص مصر

هذا البلد المين

الذي أفخر جدا بانتمائي إليه

فمن اغتصبت زوجته الشريفة

لايتبرأ منها إلا إذا كان خسيسا

وضيع الأصل

ومصر ليست زوجتي فقط

بل هي امي

مصر

بلدنا

الطاهرة

الكنانة

ذات الأهل المرابط إلى يوم القيامة

مصر

ليست كلها

مبارك

وعز

والشريف

ومحيي الدين

ونظيف

ورشيد

والزبالة

وامن الدولة

والفشل

والصفر الكبير

واللامبالاة

مصر أيضا

نحن

وانتم

عمرو خالد

القرضاوي

الشباب الملتزم

مصر هي أيضا

أبي

وأمك

الشرفاء

هي الشاب الذي انتهك عرضه

فوقف يدافع عنه

حتى اخذ حقه

مصر فيها كل هؤلاء

مصر فيها الأزهر

والقلعة

والأهرامات

مصر فيها مناضلون

وفيها مجاهدون

فيها ضباط شرطة شرفاء

فيها كل هذا

رغم أنوف السفلة

شلة الحرامية

والمرتزقة

لأجل كل هؤلاء

أحب مصر

وتعالوا معي نحبها

لأجل سيدنا إبراهيم

وزوجته هاجر

لأجل سيدنا يوسف

وسيدنا موسى

وسيدنا عيسى

ولأجل المقوقس

وعمرو بن العاص

وعقبة بن نافع

وموسى بن نصير

لأجل صلاح الدين

وقطز

والظاهعر بيبرس

لأجل سليم الأول

ومحمد علي

لأجل مصطفى كامل

ومحمد فريد

ومحمد عبده

وحسن البنا

والهضيبي

لأجل كل هؤلاء

أحب مصر

وأفخر بها

ولن أتنازل عن حقي فيها

ولن أسب مصر

ولن أتبرأ منها

مصر

أمنا جميعا

رغم أنفي

ورغم انوفكم

ورغم أنوفهم

إبراهيم محمد

يادهر عفـوا

2007-11-13T15:07:00.000+02:00

يادهر عفوا وياتاريخ معذرة
كم سجلوا فيكما زورا وبهتانا
كم البسوا الظلم ثوب الحق واقترفوا
من الجرائم اشكالا والوانا
بدون مقدمات غير هذان البيتان للشاعر الجميل جمال فوزى
أبحث فى الكتب التى اخفاها والدى العزيز بعيداعن الايادى الاثمه
من حكومه عبدالله بن سلول
تلك الايادى التى عبثت بكل شئ حتى أهم الأماكن
واكثرها حساسية فى الجسد الادمى واثناء بحثى او ما يسمى نعكشتى
اجد مجلدا يحمل اسم
الدوله العثمانيه
عوامل النهوض و أسباب السقوط
أقرأ بعض الصفحات الأولى اندهش
أقارنه بما درسته من تاريخ فى مراحل دراستى حتى الثانويه
اجد انه على تصديق أحدهما وتكذيب الأخر
ماهو يا المقرر بتاع ثانوى يا الدكتور على محمد الصلابى
وده مؤلف الكتاب
أقرر أن أقرأ المجلد كاملاوهوضخم ويصل الى 600 صفحه
واراجع كتاب التاريخ لمرحلة الثانويه
ألاحظ ان التاريخ زور
حتى الدوله العثمانيه لم تسلم منهم
وزوروا تاريخها
يالله لطفك
وصلوا لدرجة من التزويرليست بمحدودة المدى
بل واتهموا سلاطين الدوله العثمانيه زورا وبهتانا
(يعنى هى جت على دى مالريس بياخد الانتخابات الرئاسيه بنسبة 99,999 على فكره الواحد من الف فى الميه اللى ناقص ده اتنين
واحد منهم الريس والتانى واحد من الناس عادى مات يومها
اللى هو يوم الانتخابات موتة ربنا عشان محدش فكره يروح ويقول يمكن مات من التعذيب او حاجه تانيه
بعد الشر على مصر احنا بلدنا مفهاش الحاجات الوحشه دى )
نرجع للكتاب اضطر تحت ضغط ظروف الدراسه ومسئوليات اخرى ألا أكمل الكتاب
ولكنى أخذ منه مقتطفات
أدرك ان الايادى الأثمه وصلت الى مناهج التعليم
لتغرس فى نفوس الطلاب
الخنوع والخضوع
ده بعيدا عن موضوع اخر يجب طرحه على الساحه العامه للرأى المصرى
وهو اننا دوله اسلاميه وماده التربيه الدينيه ليست مادة اساسيه
أصيح فى مكنونى وداخل نفسى
أتقوا الله يا ولاة امرنا
ااصيح اجل
أوتمن الذئب على الغنم
انبهر وذلك بعد ماتأكد لى
اننى عشت مغفلا فى هذا الشأن حتى معرفة هذا الكتاب
وصدقت ما سطروا بايديهم من محض خيال
وترتيب عقلى
مجموعه من الأدميين
لكنهم العن من الشياطين
بل يجب على ابليس ان ينحنى ويسجد لهم اعترافا
بصنيعهم الذى فاق ماتخيله السيد ابليس المشهور ببوسى
أتذكر قول الله (ومكروا ومكر الله والله خير الماكرين(
اتأمل ومكروا اتعمق فى التأمل
أدرك حجم المؤامرهومستوى اللعب نعم للكبار فقط والمحترفين
ولكن ماألبث سريعا أن أكمل الأيه
مكر الله والله خير الماكرين
ولكن ادرك انهم لم يبعدوا عنا بل ما زالوا يمارسون
مايفعلونه
ااتدارك السبب
ان الله لا يغير مابقوم حتى يغيروا ما بانفسهم
واتذكر أيضا
ان الله يمهل ولا يهمل
أفيق من تأملاتى على صوت والدى وهو يقول
انته مش ناوى تعبرفى الكتب دى والمذكرات اللى انته جايبها
فأردعليه ليه السيره الوحشه دى
اقوم لأذاكر
كلمتين ينفعونى
امسك بكتاب تاريخ القانون المصرى فى العصر الفرعونى
وأبان الأحتلال البطلمى والرومانى
أصرخ
تاااااااااااااااااااااااريخ
تاااااااااااااااااااااااااااااااااااااااانى
حراااااااااااااااااااااااااااااااااااااااام
اترك الكتاب على المكتب
دون أن افتحه
وأدخل لأنام
ليسدل الستار على المؤامره
ويموت يوم من عمرى
التلمسانى
من قال لا فلم يمت

بطل على مسرح من مشاعر

2007-10-20T16:03:00.000+02:00

هل دائما تمسكك بمبدأك
وتضحيتك من أجل من تحب
لا أقصد فتاك ولا فتاتك
أقصد هؤلاء من يعيشون بجوارك في هذه الدنيا
وهؤلاء الأرحام
والأهل
يجعلك بتلك الصورة المزرية
بهذه الصورة الهينة
أن تكون هينا
ورخيصا في أعينهم
تستمع لشكوى هذا
وتحل مشكلة تلك
وتقف بجوار هذا
وتساعد هذه
تحس للحظات أنك الأول في حياتهم
دون أن تطمع في ذلك
ولكنك بمواقفك التي لا يمكنك أن تسميها إلا مواقف نبيلة
ترى انه من الواجب أن تكون دوما على رأس قائمة من يهتمون لأمره
وينشغلون لضعفه
ويسهرون لمجرد شكواه
التي وصلتهم
وصلتهم من عينك الحزينة
وجفونك الذابلة
ورنة صوتك الخافتة
وضحكتك المختفية
كلماتك لهم
تربيتك على كتف الصغير والكبير منهم
شدك أزرهم في المصائب
كل هذا يضيع
ينسى
كأن لم يكن
كأنك أنت لم تكن يوما في حياتهم
تتسول منهم لحظة اهتمام
لحظة استماع
نظرة عطف
نظرة إشفاق على حياتك التي أوشكت أن تدمر
لا تجد
تكتشف لحظتها ان مبادءك
وكلماتك
وما كنت متمسكا به
كله
من قبيل كلام السينما
برامج التلفاز
كلام كان يقال
ويتأثر الناس به
ولكن نادرا مايحس أحد بحب أو عاطفة حقيقية نحو هذا الممثل
الإنسان
نعم
تحس انك كنت بطلا لمسرحية
وزاد إحساسك بدورك
حتى ظننت أنك بطلا في حياة مشاهديك
ولكن لابد دوما من لحظة النهاية
لحظة نزول الستار
والنهاية
نهاية العرض المسرحي
لهذه الليلة
وتنتظر الليلة القادمة
لتلعب دورك
في مسرحية حياة الناس
ولعلك تدرك يوما أنك
مجرد بطل
على المسرح
فقط
لن تتجاوز هذه الخشبة
لن تدخل في تلك القلوب التي تحجرت
وأدمنت المشاهدة
وأحبت الخروج دوما من عندك
بإحساس من تخفف من همومه
وتخلص من مشاكله
في بئر قلبك
وعقلك
الذي يوما لن يتحمل المزيد
وسينفجر
سينفجر
في وجهك انت وحدك
ولن يموت غيرك
إبراهيم محمد

مازهقتش ياريس ؟

2007-10-04T09:47:00.000+02:00

هو انت مازهقتش مننا ياريس ؟
سيدي الرئيس (أطال الله بقاءه)
حضرتك بتحكمنا من 26 سنة بالتمام والكمال
وسبحان الله
مفيش أجازات
مفيش حاجة مالكش ايد فيها
الصحافة والتليفزيون هما اللي بيقولوا كده
(بفضل توجيهات السيد الرئيس)
حتى كاس الأمم الأفريقية
بفضل توجيهاتك
وطبعا لا يخفى على أحد الحاجات اللي انت عملتها
والبنية الأساسية اللي اتصلحت
والكباري اللي ملت البلد
والمدن الجديدة اللي اتبنت ومش لاية حد يسكنها

طيب ياريس
هو انت مازهقتش مننا
يعني ما فكرتش تغير النظام اليومي بتاعك ؟
يعني بدل ماتصحى الصبح
وتفكر فينا
التمانين مليون
وتشوف هتعمللهم ايه النهارده على الغدا
بدل ده
تفكر مثلا هتقعد على قهوة ايه (مثلا)
بس بلاش قهوة كتكوت
وبدل ماسيادتك طلع روحك
في الكلام عن تنظيم الأسرة
وماحدش عبرك وبقينا تمانين مليون في وش العدو
تستريح بقى من الشعب العبيط
وقليل الأدب اللي مابيسمعش كلام عمو الريس

مازهقتش من الصحفيين قلالات الأدب اللي كل يوم يتكلموا عنك
وعن صحة معاليك
وآل إيه :
بيدعوا كده من مضمون كلامهم
إنك ماعملتش حاجة للبلد
لأ وإيه
بيقولوا انك سرقتها
وساريتها جات على شوية الجورنالجية دول بس
ده الأدهى من كده ان النااس
اللي انت يا حبة عيني مابتنامش عشانهم
مصدقينهم وبيهللولهم
شعب وحش أوي ياريس
مع انك مصري
وبتحب مصر (أنا عارف أنا عارف)
يبقى مازهقتش منهم

مازهقتش ياريس
من قصر العروبة
ماتفكر تغيره
وتاخد قصر تاني
إنشالله حتى تاخد قصر الشوق وبين القصرين
ده حتى من حقك كمواطن انك تغير محل إقامتك

مازهقتش ياريس من العالم المنافقة االي عمالين ينافقوك
ويشتغلوك
وهما عارفين انك فاهم
وانت عارف انهم عارفين كده
ومع ذلك انت مبسوط بالاشتغالات
لا وكتير عايزنا نصدقها
مازهقتش من كتر مابقيناش نصدق اشتغالاتك
امتى بقى هتتقول كفاية اشتغالات بقى

نتكلم بجد شوية
مش خايف ياريس من دعا ملااين بيدعوا عيك
وياعالم كام واحد منهم دعوته مستجابة
مش خايف ياريس من عذاب ربنا
اللي في الآخرة
الآخرة ياريس
فاكرها
وللا شيخ الأزهر عمره ماجاب سيرتها أدامك ؟
الآخرة ياريس
بعد ماتموت
وللا سيادتك فاكر انك مش هتموت

مش خايف الشعب
الجعان
العطشان
التعبان
المحروم
العواطلي
الصايع
الشحات
يتمرد على عصايتك في يوم
مش خايف ساعتها تلاقي نفسم مرمي في مصحة نفسية
ومش بعيد تكون مستشفى العباسية

ياريس مش خايف
تموت وانت مسافر في طيارة
وللاعبارة
وللا قطر
زي الآلاف اللي ماتوا قبل كده
مش خايف يجيلك سرطان
وللا فيروس كبدي وبائي

مش خايف ياريس
واحد اتجنن في المعتقل
يقتلك في غفلة من أجهزة امنك
أو حتى عشان قدرك كده

مش خايف ياريس من ربنا ؟

بجد وحشتيني

2007-09-29T09:01:00.000+02:00

بعد عشر شهور

من آخر مرة سمعت فيها صوتك

آخر كلمة سمعتها منك

أخر كلمة قلتهالك

عشر شهور مروا

وكنت فاكر اني نسيتك

كنت فاكر انك خلاص

معدتيش موجودة في حياتي

عشر شهور مروا

وانا فاكر اني انتصرت

وانا فاكر اني خلاص عملت اللي انا عايزه

وانا بحاول امنع نفسي من التفكير فيكي

امس

ابيتِ إلا أن تقتحمي رأسي لثانية

هزمت فيها كل خلايا المقاومة الغبية داخله

انفجرت بعدها موجات الثورة

وموجات الذكرى

صوتك

ملامحك

كلماتك

ضحكتك الطفولية

افتكرت كلمتك

"ياسلام ياسلام"

وضحكت وانا ماشي في الشارع

افتكرت كلمتك

وانتي بتكلميني على السيجارة

"انت مش ناوي تبطل المحروقة دي بقى؟"

افتكرت إيدك

اللي عمري مالمستها

افتكرت حجابك الأبيض

افتكرت نضارتك الجديدة

وزهقك منها

افتكرت

اد ايه كنت غبي

وعبيط

لما سيبتك تضيعي

ياترى انتي فين ؟

يمكن تكوني بتقري الموضوع ده

يمكن

يمكن تكوني شوفتيني في الشارع

ياترى كان احساسك ايه ؟

ياترى لما بتشوفي اسمي اللي متأكد انك ما مسحتيهوش من على الموبايل

بتقولي ايه ؟

اللي عايز اقوله

مش هقوللك ارجعي

وللا هقوللك محتاجلك

ولا هقوللك مش عارف اعيش من غيرك

كل اللي عايزه

انك تعرفي

انك واحشاني أوي

بجد وحشتيني

إبراهيم

اتخنقت منها بجد

2007-09-22T00:09:00.000+02:00

بقالي كتير ماكتبتش

وبقالي أكترماليشنفس أفتح المدونة دي

يادوبك بفتحها ألعب شوية سو دو كو

وأقفل

كنت متعود اني أدخل اقرأ اللي كتبته

واتناقشض مع نفسي

الحالزي مانتو شايفين

محدش عبرني

غير اتنين تلاتة

ومش عارف العيب فين

بس بجد

اتخنقت من المدونةدي

عايز أعمل لهافرقعة

عايز أعمللها صوت جديد

وشكل حلو

ربنا يسهل

أول أول امبارح كان عمري واحد وعشرين

2007-09-03T20:10:00.000+03:00

1/9/1985

ده يوم ميلادي

ودايما 1/9

بيكون يوم له عندي شكل مختلف

كان

..............................

يعني السنة دي

مفيش

مفيش أي حاجة خالص

لا احتفال

ولا فرح

والله كنت ببقى فرحان كل يوم 1/9

بس السنة دي

!!!!!!!!!!!!!!!!

مش عارف

كنت دايما بقول لكل الناس ان اليوم ده عيد ميلادي

مش عشان الهدية

بس كنت بفرح لما كل الناس تعرف اني خلاص كبرت سنة

من زمان

وانا كنت دايما بحاول اني أعمل لنفسي ولو فرحة صغيرة

فرحة تخلي اليوم ده له ذكرى معايا غير ميلادي

بس السنة دي

!!!!!!!!!!!!!!!!!!!!!!

حسيت انه من أكتر الأيام كآبة مرت بيا

مكنتش عايز أقول لأي حد

وعدى اليوم

طويل

بايخ

ممل

اتخنقت

وخاصة انه كان يوم أجازة من الشغل

مش عارف ده ليه

حاسس اني السنة اللي فاتت عليا كانت ملهاش أي قيمة

ما أضافتش أي حاجة جديدة في حياتي

"يمكن قهوة كتكوت وأهلها"

بس

لكن غير كده

ماحصلش حاجة

سنة كان المفروض يحصل فيها حاجات كتير

الحمد لله

ماحصلش منها ولا حاجة

كانت المفروض تبقى انطلاقة لما بعد الدراسة

والحمد لله

أدامي الجيش

جاب للواحد إحباط وشعور بالفشل أكتر من اللي موجودين عنده

حاجات كتير خلت الواحد ميفكرش انه يحتفل بعيد ميلاده

وخلت الواحد يحمد ربنا انه نسي اليوم ده

ولكن

فيه حاجة نسيتها

هو مين ربنا ؟

هو مين اللي خلق الناس؟

ومين اللي قدر كل حاجة هتحصل إمتى ؟

أنا!

!!!!!!!!!

أستغفر الله العظيم

يبقى خلاص

فيه قادر

وفيه رحمن

ورحيم

وغفور

وكريم

و ودود

ياااااااااه

حد يبقى بيعبد إله كل دي صفاته

ويزعل

أكيد طعا يزعل انه ماقدرش يقربله

ومقدرش يوفيه حقه

ولكن

عمري أبدا ما هفقد الأمل

عمري ماهتصور ان دي النهاية

فيه مثل شفته في المدينة الجامعية بتاعتنا

EVERY THING WILL BE OK AT THE END

IF IT IS NOT OK

IT IS NOT TH END.

عجبني جدا وافتكرته

برضه أنا لسه بحبني

ولسه باتمنى اني أبقى أحسن

وأكيد هكون أحسن

مش معنى ان سنة فاتت بلا إنجازات

يبقى خلاص!

باعتذر لنفسي على يوم ميلادي

اللي عدى من غير ماحتفل بيه

وربنا يسهل

أكيد هحتفل بيه

هتسمع قرآن يعني هتسمع قرآن

2007-08-20T11:22:00.000+03:00

بالأمس كنت مسافرا إلى القاهرة حيث أعمل
وذلك في وسيلة مواصلاتي المفضلة

السوبر جيت "

لالالالالالالالالالالا

مخكوا مايروحش بعيد

كنت لوحدي
فهو يتميز بهدوئه

وكثرة مواعيده

ولذلك في أي وقت أجد مكانا متاحا
المهم

أن المعتاد دائما في الصباح أن يقوم السائقون بتشغيل إذاعة القرآن الكريم

أو أي شريط لأحد القراء
وبغض النظر عن أخلاقيات هؤلاء السائقين

أو أن بعضهم يستمع إلى القرآن وفي يده السيجارة
هذا الأمر لا يعنيني في شئ

المهم والقصد

أنه بالأمس لم يكن كذلك حتى منتصف الطريق
لم يضع السائق شيئا نسمعه

لا قرآن ولا غير قرآن

عادي مفيش مشاكل
وفجأة في منتصف الطريق

وبصوت عال جدا بدأت قراءة القرآن بصوت أحد القراء
ولحسن الحظ كانت السماعة فوق رأسي المصدع دائما
لا أخفي عليكم أني تألمت كثيرا

صداع شديد وللأسف أثار السائق صداعي
فكرت أن اطلب منه ان يخفض الصوت قليلا

ولكن .........ماذا سيقول ؟؟؟؟؟؟؟؟؟

لا أعرف بماذا كان سيرد

ولكن المتوقع شئ من قبيل

ياباشا ده قرآن قرآن
لما بنشغل أغاني محدش بيتكلم ويقول وطي شوية ليه
فآثرت الصمت والانطواء في مقعدي
ولاحظت أن من تجلسان في الكرسي المجاور لي مسيحيتان

إذن فما ذنبهما أن يسمعا القرآن رغما عنهما

وبصوت عال
لماذا يتم إجبارهم على أن يقلقوا من راحتهم

لشئ هو لا يعني لهم في عقيدتم شيئا
وعرفت حينها لماذا يتهموننا دائما بالتحرش بهم

وبأننا نشعل نارا طائفية وماشابه من اتهامات
نتسبب فيها رغما عنا بحماقاتنا أحيانا

وبتحمسنا غير المتعقل أحيانا للدين
فالدين لن يزيد شيئا بشريط قرآن صوته عالي

ولن ينقص شيئا إذا قمت بخفض صوت الشريط قليلا
ولن يزيد بأن تجعلني أسمع القرآن

وأنت تدخن مع كل

ربع سيجارة
هذا لا يعقل

بمناسبة العيد القومي

للسوبر جيت

ههههههههههههههههههه

القطار

2007-08-18T13:55:00.000+03:00

في محطة مصر

وقفت أتأمل تلك الوجوه

المكدودة والمنهكة

وتلك الأجساد المتجاورة

المتقاربة

والمتنافرة

هناك شاب يجلس مع فتاته على أرصفة أحد القطارات

وآخر يحاول أن يغلس عليهما

وفتاتان تقفان تحاول إحداهما مشاغلة الزوج الذي يقف مع زوجته

والأخرى مشغولة برنات هاتفها النقال

وذلك الحمال الذي يقف متنازعا مع هذا الرجل صاحب الحقائب الكثيرة

المتجه إلى القطار التوربيني المتوجه إلى الأسكندرية

حول أجرة حمله الحقائب

وتلك المتسولة وابنها الذي تجلسه على كرسي متحرك

يقفان في وسط الصالة الرئيسية

قبل أن تهرب به من أمام أمين الشرطة الغلس

زحام وناس

وشباب وبنات

وأطفال

كتييييييييييييييييير

ووسط كل هذا

نسيت موعد قطاري المتجه إلى طنطا

ليغادر القطار

وأعود ثانية إلى شقتي في القاهرة الجديدة

بهدوئها القاتل

وممنيا نفسي بجرعة أخرى من هذا الصخب الحبيب

في الغد

حين أعود مرة أخرى لانتظار قطاري

الذي لابد سأركبه يوما

لأرى صخبا جديدا

من نوع آخر

في مكان آخر

بصوا بقى

2007-08-06T10:58:00.000+03:00

بصوا ياجماعة

خلااااااااااااااااااااص

أنا عرفت كل حاجة

وعرفت اللي فيها

اللي هي زتونة الموضوع

على رأي السيد الفاضل بوحة

طب أي موضوع أصلا بتتكلم عنه ؟

ياجماعة مش مهم الموضوع

المهم اني توصلت للزتونة وخلاص ،

مش ده إنجاز يستحق المباركة !!!!!!!!!!

الزتونة ومافيها إن خلاص ياجماعة

من النهاردة

معدش فيه كلام فارغ من بتاع زمان

اللي هو إيه ياعم الحاج ؟

هو إيه اللي هو إيه ؟

الكلام الفارغ يعني ؟ آآآآآآآآآآآآآآآه معلش أصل البتاعة اللي انا ضاربها اشتغلت

نعووووووووووووووووووووود لما كنا نتكلم عنه .

بصوا ياجماعة

بصيتوا

من غير قلة أدب

احنا ياجماعة من النهارده

معدش لينا عيش في البلد دي

لا بلدي ولا فينو

خلاااااااااااااااااااص كل حاجة اتباعت

واللي ما اتباعش هيأجروه لغاية ما يلاقوله بيعة فيا أبنائي الأعزاء

قصدي زمايلي الأعزاء

إخواني وأخواتي الكتاكيت

السيدات والسادة

"افتتاحية جامدة"

خدوا بقى أول حتة من الزتونة

"كن مشتريا أو مستأجرا ولا تكن الثالث"

يعني انت شوفلك حاجة تشتريها

او تأجرها

إنشالله عجلة حتى

ولو كانت زي دي

أيوة اللي فوق دي

تبقى تمام

تاني يوم تنافس أحمد عز

أنا هاظبط الدنيا وجااااااااااااااااااااااااي

أُمّ

2007-07-19T10:50:00.000+03:00

أمس
في عملي
زارنا مؤسس المكان الذي أعمل به هذه الأيام
رجل كبير
طاعن في السن
تجاوز الثمانين ........ وربما التسعين
لا أدري
ذهب سمعه
وضعف بصره
وخارت قواه

......................

آية من أيات الله سبحانه

معه شاب يقوم بكل أموره
يكلمه بصوت مرتفع حتى يسمع
يقود به السيارة
ينظم له مواعيد علاجه
كل شئونه

وتطرق الحديث
وكثرت الحكايا
فجاء ذكر والدته ، الحاجة ...........
وحكى لنا الشاب كيف كانت قصته في بداية تعليمه
وكيف أنه كاد لا يدخل المدرسة لصغر سنه واولوية الكبار بالتعليم
فجرى بعيدا عن البيوت ..........باكيا

وعرفت أمه أنه يبكي بعيدا لأنه لن يدخل المدرسة
فلبست ملائتها
وذهبت له
"والله لتدخل المدرسة عصب عن عينه" تقصد ناظر المدرسة الذي منعه من الالتحاق

وذهبت لأبيه في العمل
"ياحاج ، الولد ده لازم يتعلم "

وذهبت لترهن قرطها الذهبي لتدفع مصاريف المدرسة لابنها

والتفت إلى الرجل فجاة ......فوجدته يبكي
ولا يستطيع حت رفع منديل يمسح به دموعه
دموع صامتة
هل اشتاق لأمه
أم لطفولته
أم لدراسته
أم لمدرسته
إنها بالفعل كلها أمه
فأمه هي طفولته
ودراسته
ومدرسته

إنها الأم
ربما يبكي على قيمة لم يدركها إلا بعد فوات الأوان

يالهذا الوفاء
مازال يذكر موقف امه ويتأثر به رغم سني عمره الطويلة

ليست شخصا عاديا حتى نتذكره أو ننساه
إنها الأم
فــــــــــــــــــــــــــــــــقـــــــــــــــــــــــــــط
أُمّ
أمهاتنا
أين هن
وكيف نعاملهن !!!!!

البلوجرية بناة مصر

2007-07-10T17:11:00.000+03:00

لي صديق ليس بفيلسوف

ولكنه بأقوال الحكماء دوما شغوف

ويلبس دوما قميصا بنصف كم

وبنطلون من القماش الثقيل

وشراب أخضر

كنت جالسا معه في مرة فأخذ يدندن الأغنية التي يرى أنها من روائع الحكمة

"اللي بنى بنى مصر كان في الأصل حلواني، وعشان كده مصر ياولاد مصر ياولاد حلوة الحلوات "

فقلت له : ولماذا لكي تكون حلوة الحلوات أو جميلة الجميلات

يجب أن يكون بانيها حلواني ..........

لماذا لا يكون طبيب تجميل مثلا

ًأو فنان تشكيلي

نظر لي صديقي صاحب الشراب الأخضر

منبعجا

ومشمئنطا من سؤالي

وقال:كيف تقول هذا؟

طبعا حلواني دم الشعب اللي زى العسل

والبنات اللي زى حتة البسبوسة اللى بالقشطة والمخسرات

والأطفال اللى راس الواحد فيهم زي بلحة الشام

كل ده ومش حلواني؟!!!!!!!!!!!

قلت له بعد تردد:ولكن رأيي أنه كان ......بلوجر!!!!!!!!!!!!!

نظر إلى نظرة كلها هطل وعبط

وفجأة تحولت كمية الهطل والعبط إلى تهديد ووعيد

وقال : شكلك بتشتم ياصاحبي ايه بلوجر دي؟

قلت له بلوجر يعني مدون

وأخذت معه شوطا لأعرفه ما معنى التدوين

وما هذه المدونات وأن الناس يقولون أن أصلها أمريكي

ولكن رأيي هى أنها ذات أصل مصري 100%

أى أن أول مدون كان مصري

كما أن أول من بنى مصر كان مدون

نظر إلى نظرة مليئة بالشك في قواي العقلية

ومد يده يتحسس شرابه الأخضر باعتزاز

كأنه يحمد الله على نعمة العقل بتحسسه هذا الشراب الأخضر

قلت له : أما رأيت كمية المدونات الموجودة في كل مكان بمصر

في الشوارع

في البيوت

في المصالح الحكومية

في المدارس

في الأماكن العامة

في المدن الجامعية

في السيارات

أي مكان تذهب إليه تجد فيه تدوينة وتجد فيه أثرا لأحد أفراد الشعب المدون بطبعه

تجد شتيمة

حكمة

قصة حب

ذكرى

نادرا ما مرت حياة فرد من أفراد هذا الشعب بدون أن يدون شيئا في أي مكان

فالتدوين هو فلسفة الشعب المصري ومتنفسه الوحيد للتعبير عما بداخله

وعما يريد أن يقوله

وعما يريد أن يهيس به

ولا يريد أن يعتبره الآخرون من قبيل الهرتلة

إذن فالانتشار الموجود عليه هذه المدونات

يؤكد بما لايدع مجالا للشك

أن اللى بنى بنى مصر كان في الأصل بلوجر

وان اللى أسس أسس المدونات كان في الأصل

مصري

فهمي هويدي

2007-06-19T20:09:00.000+03:00

إليكم مقال فهمي هويدي الممنوع من النشر في الأهرام
انشروه
حتى لاتنجح الدولة البوليسية
في إخراس الألسنة
وكسر الأقلام الحرة الشريفة

محاولة لفهم ما جرى فى غزة19/Jun/2007فهمى هويدى
هل الذى حدث فى غزة إنقلاب أم أنه إجهاض لإنقلاب؟ هذا السؤال ألح على بشدة حين تجمعت لدى مجموعة من الشهادات والوثائق المهمة ذات الصلة بالموضوع. وها أنا أضع خلاصاتها وبعض نصوصها بين يديك، كى تشاركنى التفكير فى الإجابة على السؤال. (1) يوم الخميس الماضى 14/6 نشرت صحيفة "يونجافليت" الألمانية تقريراً لمعلقها السياسى فولف راينهارت قال فيه أن إدارة الرئيس الأمريكى جورج بوش خططت منذ فترة طويلة لتفجير الأوضاع الداخلية الفلسطينية، وتحريض تيار موال لها داخل فتح على القيام بتصفيات جسدية للقادة العسكريين فى حركة حماس. وقد تحدث فى هذا الموضوع صراحة الجنرال "كيث دايتون" مسئول الإتصال العسكرى الأمريكى المقيم فى تل أبيب، فى جلسة إستماع عقدتها فى أواخر مايو الماضى لجنة الشرق الأوسط بالكونجرس الأمريكى. وفى شهادته ذكر الجنرال دايتون بأن للولايات المتحدة تأثيراً قوياً على كافة تيارات حركة فتح وأن الأوضاع ستنفجر قريباً فى قطاع غزة، وستكون عنيفة وبلا رحمة. وقال أن وزارة الدفاع الأمريكية والمخابرات المركزية ألقيا بكل ما يملكان من ثقل، فى جانب حلفاء الولايات المتحدة وإسرئيل داخل حركة فتح. كما أن تعبئة الأجهزة الأمنية والعسكرية التابعة لرئيس السلطة الفلسطينية ضد حماس، يمثل خياراً إستراتيجياً للإدارة الأمريكية الحالية. وهو ما يفسر أن الكونجرس لم يتردد فى إعتماد مبلغ 59 مليون يورو لتدريب الحرس الرئاسى فى بعض دول الجوار، وإعداده لخوض مواجهة عسكرية ضد حركة حماس. أضاف المعلق السياسى للصحيفة الألمانية أن التيار الأمريكى الإسرائيلى داخل فتح لم ينجح رغم كل الدعم السخى الذى قدم إليه فى كسر شوكة حماس. وهو ما دفع وكالة المخابرات المركزية الأمريكية إلى إستدعاء خبرتها السابقة فى جمهورية السلفادور، وتوجيهها للعناصر الفتحاوية المرتبطة بها لتشكيل فرق الموت لإغتيال قادة وكوادر حماس، وتحدث راينهارت فى هذه النقطة عن خيوط كثيرة تربط بين فرق الموت والحرس الرئاسى الفلسطينى والمستشار الأمنى النائب محمد دحلان، ونسب ألى خبيرة التخطيط السياسى بالجامعات الإسرائيلية "د.هيجا ياو مجارتن" قولها أن دحلان مكلف من وكالة المخابرات المركزية وأجهزة أمريكية أخرى، بتنفيذ مهمة محددة، هى تصفية أى مجموعات مقاومة لإسرائيل داخل وخارج حركة حماس. (2) فى 10 يناير الماضى، وجه رئيس الوزراء الفلسطينى إسماعيل هنية رسالة إلى رئيس السلطة أبو مازن، نصها كما يلى: نهديكم أطيب التحيات، ونسأل الله لكم التوفيق والسداد. لقد توافرت لنا بعض المعلومات فى الآونة الأخيرة، تشير إلى خطة أمنية تهدف إلى الإنقلاب على الحكومة والخيار الديمقراطى للشعب الفلسطينى. ويمكن إيجاز هذه المعلومات فى النقاط التالية: - إدخال كميات ضخمة جداً من السلاح لصالح حرس الرئاسة، من بعض الجهات الخارجية، بمعرفة ومباركة من أمريكا وإسرائيل. - تشكيل قوات خاصة من الأمن الوطنى تقدر بالآلاف لمواجهة الحكومة الفلسطينية والقوة التنفيذية وإعتماد "مقر أنصار فى غزة" مقراً مركزياً لها. - تجهيز هذه القوات بالسيارات والدروع والسلاح والذخيرة وصرف الرواتب كاملة للموالين. - تعقد إجتماعات أمنية حساسة لعدد من ضباط الأمن الفلسطينى فى مقر السفارة الأمريكية حيث تناقش فيها خطط العمل. - البدء بإجراءات إقالة لعدد من الضباط وإستبدالهم بشخصيات أخرى، مع العلم أن لجنة الضباط هى المختصة بهذه الشؤون، كذلك تعيين النائب محمد دحلان من طرفكم شفوياً كقائد عام للأجهزة الأمنية، وفى ذلك مخالفة قانونية. - تهديد الوزراء ورؤساء البلديات بالقتل، حيث تم الإعتداء على الوزير وصفى قبها وزير الأسري، وإعلامه عبر مرافقه أن الإعتداء القادم سيقتله. وكذلك تم تكليف أحد ملياردى فتح من غزة بتصفية الوزير عبد الرحمن زيدان –وزير الأشغال والإسكان مقابل 30 ألف دولار. الأخ الرئيس: بناء على ما سبق وغيره الكثير من المعلومات التى نمتلكها، فإننا نعبر عن بالغ أسفنا إزاء ما ورد، حيث أن ذلك يهدد النظام السياسى الفلسطينى، والنسيج الوطنى والإجتماعى ويعرض القضية برمتها للخطر. نرجو منكم إتخاذ التدابير والإجراءات اللازمة لحماية شعبنا وقضيتنا، ونحن سنظل أوفياء وحريصين على وحدة الشعب ولحمته – وأقبلوا وافر التحية-. فى الوقت الذى أرسل فيه السيد إسماعيل هنية هذا الخطاب إلى أبو مازن، كانت أمامه معلومات محددة حول بعض تفصيلات الإعداد للخطة الأمنية، التى منها على سبيل المثال: تعيين محمد دحلان قائداً عاماً للأجهزة الأمنية –إختيار 15 ألف عنصر من الموالين، لتشكيل قوة خاصة فى الأمن الوطنى لمواجهة حماس- دخول150 سيارة جيب مزودة بأجهزة الإتصال اللاسلكى –توفير 2000 مدفع كلاشنكوف أضافه إلى ثلاثة ملايين رصاصة –وتوفير الملابس الخاصة والدروع للقوة الجديدة- إعادة بناء كافة الأجهزة الأمنية وإقالة 15 من قادتها وإستبدالهم بآخرين موالين –إقالة 185 من ضباط الأمن الوطنى لتنقية صفوف الجهاز من غير الموثوق فى موالاتهم. إلى جانب هذه المعلومات، كانت هناك مذكرة بخط الفريق عبد الرازق المجايدة (منسق الأجهزة الأمنية) كتبت على ورقة تحمل ختم ديوان الرئاسة، تحدثت عن مطالب موجهة إلى الأجهزة الأمنية وخاصة الأمن الوطنى، تضمنت سبعة بنود، من بينها وضع خطة العمليات وفرز الـ15 ألف عنصر المرشحون للقوة الجديدة، وحصر كميات الأسلحة والذخائر المتوفرة. فى هذا الجو المسكون بالشكوك والهواجس، أصدرت وزارة الداخلية تصريحاً صحفياً فى 6/2 الماضى، أعربت فيه عن إستنكارها وإدانتها للطريقة التى يتم من خلالها إدخال السيارات والمعدات اللوجستية من المعابر الحدودية بصورة سرية وبتعتيم مريب، على نحو يتم فيه تجاوز الحكومة ووزارتها المختصة. وذكر البيان أن وزارة الداخلية تحمل الجهات التى تقف وراء هذه العملية كامل المسئولية عن أية تداعيات تنجم عن هذا الأسلوب المرفوض وطنيا وقانونياً. (3) يوم 6/6 نشرت صحيفة "هاآرتس" أن جهات فى حركة فتح توجهت أخيراً إلى المؤسسة الأمنية فى إسرائيل طالبة السماح للحركة بإدخال كميات كبيرة من العتاد العسكرى والذخيرة من إحدى دول الجوار إلى غزة، لمساعدة الحركة فى معركتها ضد حركة حماس. وأضافت الصحيفة أن قائمة الأسلحة والوسائل القتالية تشمل عشرات الآليات المصفحة والمئات من القذائف المضادة للدبابات من نوع "آر.بى.جى"، وآلاف القنابل اليدوية وملايين الرصاصات. كما ذكرت أن مسئولى فتح تقدموا بطلباتهم فى لقاءات مباشرة مع مسئوليين إسرائيليين، كما أن المنسق الأمنى الأمريكى الخاص فى المناطق الفلسطينية المحتلة الجنرال كيث دايتون نقل طلباً مماثلاً إلى إسرائيل. أضافت الصحيفة أن إسرائيل سمحت لفتح فى السابق بتلقى كميات من الأسلحة شملت 2500 بندقية وملايين الرصاصات.. وقد تقرر إدخال الآليات المصفحة التى لا تعتبر سلاحاً يشكل خطراً على الدولة العبرية. لكنها إستبعدت الموافقة على طلب تلقى قذائف صاروخية، لخشيتها فى أن تقع بيد حماس. نقلت الصحيفة عن الرئيس أبو مازن قوله فى أحاديث مغلقة أن أمله خاب من رفض إسرائيل السماح بإدخال الأسلحة المطلوبة لفتح، وأضافت أن ثمة خلافاً فى الرأى داخل المؤسسة الأمنية الإسرائيلية بخصوص الموضوع، خصوصاً أن غالبية خبراء جهاز الأمن العام (شاباك) ومكتب تنسيق شئون الإحتلال يعتقدون أن فتح ضعيفة للغاية فى القطاع، وقد تنهار فى المواجهة مع حماس، رغم الجهد الذى يبذله النائب محمد دحلان لتشكيل وتعزيز قوة مسلحة جديدة لفتح، تسمى القوة التنفيذية، رداً على تنفيذية حماس. فى 13/6 ذكرت صحيفة معاريف، نقلاً عن مصادر فى الأجهزة الأمنية، أن سقوط مواقع الأمن التابعة للسلطة فى أيدى حماس، يدلل على خطأ الرأى القائل بوجوب تقديم الدعم العسكرى لحركة فتح، لأن ذلك السلاح سيعد غنيمة تقع بأيدى حماس، وهو الرأى الذى تبناه "أفرايم سنيه" نائب وزير الدفاع، الذى طالما ضغط على وزير الدفاع للسماح لفتح بتلقى رشاشات ثقيلة لتعزيز موقفها فى مواجهة حماس. وأضافت معاريف أن جميع قادة الأجهزة الأمنية الإسرائيلية يرغبون فى إنتصار فتح، إلا أنهم يرون أنه من الخطأ عدم التحوط لنتائج إنتصار حماس. (4) يوم الجمعة 15/6، وهو اليوم التالى مباشرة لإستيلاء حماس على مواقع الأجهزة الأمنية فى غزة، ذكرت النسخة العبرية لموقع هاآرتس على موقعها على شبكة الإنترنت أن كلا من الإدارة الأمريكية والرئيس الفلسطينى محمود عباس إتفقا على خطة عمل محددة لإسقاط حكم حماس، عن طريق إيجاد الظروف التى تدفع الجمهور الفلسطينى فى قطاع غزة لثورة ضد الحركة. وأشارت الصحيفة إلى أن خطة العمل، التى تم التوصل إليها بين "الجانبين" تضمنت الخطوات الآتية: 1- حل حكومة الوحدة، وإعلان حالة الطوارئ، لنزع الشرعية عن كل مؤسسات الحكم التي تسيطر عليها حماس حالياً في قطاع غزة. 2- فصل غزة عن الضفة الغربية والتعامل مع القطاع كمشكلة منفردة، بحيث تقوم الإدارة الأمريكية وعباس بالتشاور مع إسرائيل والقوى الإقليمية والاتحاد الأوروبي لعلاج هذه المشكلة، ولا تستبعد الخطة أن يتم إرسال قوات دولية إلى القطاع. 3- تقوم إسرائيل بالإفراج عن عوائد الضرائب، وتحويلها إلى عباس الذي يتولى إستثمارها في زيادة "رفاهية" الفلسطينيين في الضفة، إلى جانب محاولة الولايات المتحدة إقناع إسرائيل بتحسين ظروف الأهالي في الضفة لكي يشعر الفلسطينيون في قطاع غزة بأن أوضاعهم لم تزدد إلا سوءًا في ظل سيطرة حركة حماس على القطاع، الأمر الذي يزيد من فرصة تململ الجمهور الفلسطيني في القطاع ضد حماس، وبالتالي التمرد عليها. 4- اتفق عباس والإدارة الأمريكية على وجوب شن حملات اعتقال ضد نشطاء حماس في الضفة الغربية، من أجل ضمان عدم نقل ما جرى في القطاع إلى الضفة. 5- إحياء المسار التفاوضي بين إسرائيل والحكومة التي سيعينها عباس في أعقاب قراره حل حكومة الوحدة الوطنية. أشارت الصحيفة إلى أن أبو مازن حرص على إطلاع مصر والأردن على القرارات التى توصل إليها قبل إعلانها، مشيرة إلى أن أبو مازن طالب الدولتين بتأييد قراراته وقطع أى إتصال مع حكومة حماس فى القطاع. فى الوقت ذاته، خرج كبار المسئولين فى إسرائيل عن طورهم وهم يشيدون بقرار أبو مازن حل الحكومة وإعلانه الطوارئ،. فقال وزير الحرب الإسرائيلى عمير بيرتس وزير الحرب –قبل تعيين باراك مكانه- أن ذلك القرار ساهم فى تقليص الآثار السلبية جداً لسيطرة حماس على القطاع، وإعتبر أن الخطوة تمثل مصلحة إستراتيجية عليا لإسرائيل. من ناحية أخرى ذكرت صحيفة "معاريف" فى عدد الجمعة 15/6، أنه فى ظل قرار أبو مازن حل حكومة الوحدة الوطنية، فإن إسرائيل تدرس بإيجابية إمكانية الإفراج عن مستحقات الضرائب التى تحتجزها، لكى تحولها إلى الحكومة الجديدة. وأشارت الصحيقة إلى أن إسرائيل قد تعلن عن قطاع غزة ككيان عدو، ومن غير المستبعد أن يتم قطع الكهرباء والماء عن القطاع، خصوصاً إذا إستمر إطلاق الصواريخ منه. على صعيد آخر قالت إسرائيل إنها تراهن بقوة على تعاون الدول العربية ، ورئاسة السلطة الفلسطينية معها في عدم السماح لحركة حماس بترجمة إنجازاتها العسكرية إلى مكاسب سياسية، معتبرة أن التطورات الأخيرة تحمل في طياتها تحولات إقليمية بالغة الخطورة على إسرائيل. وقال الجنرال عاموس جلعاد مدير الدائرة السياسية الأمنية فى وزارة الدفاع الإسرائيلى والمسؤول عن بلورة السياسة الإسرائيلية تجاه الضفة الغربية وقطاع غزة أن إسرائيل تحتاج أكثر من أي وقت مضى لمساعدة الدول العربية، وتحديدًا مصر فى مواصلة خنق حركة حماس، سيما بعد إنجازها السيطرة على كامل قطاع غزة، معتبراً أنه فى حال لم يتم نزع الشرعية عن وجود حركة حماس فى الحكم، فإن هذا سيكون له تداعيات سلبية جداً على إسرائيل. وفى مقابلة مع الإذاعة الإسرائيلية باللغة العبرية ظهر الجمعة 15/6 ، عدد جلعاد مطالب إسرائيل من الدول العربية بشأن إحكام الخناق على حركة حماس، معتبراً أن الدول العربية "المعتدلة" مطالبة بنزع أى شرعية عربية أو دولية عن حكومة الوحدة الوطنية وعدم إجراء أى إتصالات معها، وأن الحصار العربى لحكومة الوحدة الوطنية هو مطلب أساسى وحيوي لنجاح الحصار على الحكومة الفلسطينية. وحذر جلعاد من أنه فى حال لم تقدم الدول العربية على هذه الخطوة، فإن الكثير من دول العالم ستعترف بوجود حماس فى الحكم وستستأنف ضخ المساعدات للفلسطينيين. أضاف الرجل أن أبو مازن أصبح مهماً للغاية لإسرائيل الآن، إذ هو وحده الذى يستطيع تقليص الآثار السلبية لسيطرة حماس على غزة. غير أن بنيامين إليعازر وزير البنى التحتية قال فى تصريحات للإذاعة أن على إسرائيل أن تتحوط للوضع الدراماتيكى الجديد بكل حذر. وشدد على وجوب بذل كل جهد ممكن لإقناع الدول العربية بالوقوف إلى جانبها فى حربها ضد حماس. فى ذات الوقت أشار عوديد جرانوت معلق الشئون العربية فى القناة الأولى للتليفزيون الإسرائيلى ظهر الجمعة إلى أن قرار أبو مازن بحل حكومة الوحدة الوطنية يمثل مصلحة لإسرائيل من حيث أنه يعنى إسدال الستار على إتفاق مكة.. هل فهمت ما فهمته أنا؟ش

عملوها .....................

2007-03-20T09:45:00.002+02:00

تم تمرير التعديلات

وتم رفع خطاب بها إلى السيد الرئيس(....)

لقد فعلها نواب الوطنى

بعد الترقيعات

والتظبيطات

فحسبنا الله في الظالمين

يوم26/3/2007

الاستفتاء الشعبى على الدستور ان شاء الله

لتكن هذه آخر فرصة لنا

كى نقول لا

كى نرفض

كى نحتج

كى نقول كلمة حق في وجه سلطان جائر

ان لم تحدث يوم الاثنين

فلن تحدث أبدا

لَسْتَ حُرَّاً

2007-03-19T15:35:00.000+02:00

سمعت عن ذلك الطالب الأزهري عبد الكريم وهو من المدونين

والذي حكم عليه بالسجن أربع سنوات بتهمتي ازدراء الأديان وإهانة رئيس الجمهورية

.واستمعت إلى أحد الحوارات حول هذه العقوبة .....

وهل هي تصح فعلا أم أنه طالب عنده 21 سنة ،

وربما يكون عنده أزمة ما أو خلل جعله ينطق بهذه الهلاوس من سب للإسلام وللرسول ولصحابته الكرام ولأمهات المؤمنين .

وكذلك أنها حرية في الفكر لا ينبغي تقييدها وإنما يرد عليها بمثلها من الأفكار التي تفندها وتدحضها .

هذه كانت آراء ناشطى حقوق الإنسان الذين يريدونها كما يدعون حرية مطلقة وتصرفات بلا قيود .......

هكذا يريدون

ولكن يا سادة يا ناشطى الحقوق الإنسانية ويا من تسيرون في ركبهم من الشباب .......

قلتم أنه طالب في سن يريد فيه إثبات كيانه ورجولته واثبات انه صاحب فكر .........

دعونا نجد معيارا واحدا نتعامل به ..........

ولنأخذ مثالين لذلك .......

الأول: ما سمي بميليشيات جامعة الأزهر وأنتم من أوائل من هاجمها تحت مسمي الإرهاب ...........

.أي إرهاب هذا الذي قد يمارسه مجموعة من الطلاب العزل الذين أرادوا طمأنة زملائهم العزل أيضا.........

.ألا تُسَمَّى هذه حرية .....على الأقل في الإحساس بالأمن ؟!...........

الثاني: هالة سرحان وفتيات ليلها ........

لماذا ثارت الدنيا حين خرجت بعض الأقلام تهاجمها وتتهمها بالتلفيق والفبركة ........

.لأنه إعلام ويجب ألا تقيد حرية الإعلام بمسميات واهية مثل "الإساءة لسمعة مصر"

هل أصبحت يا سادة سمعة هالة سرحان في مكان أعلى من سمعة مصر حتى تقوم بنشر غسيل مصر"ال....." أمام الناس كلها .......!!!!لن أقول لكم اتقوا الله

ولكن سأطلب أن تضعوا معيارا واحدا تتعاملون به إزاء الكل

الدعاة والملحدون

القضاة والمزورون

البهائيون وطلاب جامعة الأزهر

هالة سرحان ومقدمي البرامج الدينية

عبد الكريم ومحمد العطار

فلماذا مثلا لم يثر أحد من أجل الطالب الذي اتهم بالتجسس وحكم عليه بالسجن بدعوى أنه طالب أيضا وربما وقع تحت ضغوط ومغريات لماذا لم يقل أحد انه بحاجة إلى طبيب نفسي بدلا من سجان ؟!

لا أقول أنه معذور

ولكن الصحيح صحيح دائماًوالخطأ دائما خطأ

فمن أخطأ وخرج على القانون "أيا كان حتى لو كان ظالما"

يعاقب فعلى قدر الحرية تكون المسئولية .

هل لو قمت بكتابة مقال أسبُّ فيه أحد هؤلاء النشطاء وقرأه وعرف شخصي الحقيقي "الضعيف"ماذا ا سيكون رد فعله .........

لا أتوقع إلا واحدا من اثنين .......

.الأول : أن يبادلني السباب في مقال آخر(نعم فلم أنتقده بل قمت بسبه)

والثاني : أن يرفع دعوى ضدي يطالب فيها بعقابي لأني تعديت عليه بالسب .

ولا يمكن لعاقل منهم أو من غيرهم أن يسمي ما فعلته حرية.........

فمنذ متى كانت الحرية هي أن تتحول الحياة إلى فوضى وغابة السيادة فيها لصاحب الصوت الأعلى والسوط الأقوى ؟

متى كانت الحرية هي الخروج على الدين والبعد عن القيم وإهانة التقاليد وازدراء الأعراف ؟..........

متى كانت الحرية هي ما تتغنى بها أمريكا وحدها ؟.........

.ألا يعد هذا في حد ذاته كبتا لحرية الآخرين .........!!!!!

أم أن الحرية هي فقط حرية من يمشي في ركابكم وركاب الغرب ........!!!!

ما أرى

إلا أنكم ورقة ضغط استخدمتها أمريكا للضغط على الحكومة المصرية

مثل أقباط المهجر

وكما كانت تريد أن تستخدم الإخوان المسلمين

وقع الحقوقيون والمهجريون ..........

وربما أفلت الإخوان

حد فهم حاجة............؟

!!!!!!!!!!!!!!!!!!!!!!!

عيد ميلادي

2007-03-12T21:17:00.000+02:00

بالأمس 1/9/2006احتفلت بعيد ميلادى

وكم أود أن أقص عليكم وقائع هذا الاحتفال المهم

فى البداية :أنا أقيم بمفردى فى مدينة نصر وليس لى أهل أو أصدقاء فى القاهرة اللهم الا النزر اليسير

وكل له مشاغله فلن يشغل باله بأن يسعى لمشاركتى فى الاحتفال

وفوق ذلك أنا لست من المهتمين بالاحتفال بأعياد الميلاد ولكنه ليس عيد ميلاد عادى

انه الحادى والعشرين يعنى فى نظر الناس والحكومة شخص مسئول مسئولية كاملة

وعقبالكم كده لما تبقوا مسئولين واللى بقى مسئول يترقى ويبقى مسئول أكبر

المهم جلست طوال النهار فى الشقة اتنقل مابين قراءة بعض الكتب وبين جريدة الدستور اللتى أعشقها

وبعد صلاة العصر فكرت فى اعداد طعام الغداء

طبعا فى عيد ميلادك مينفعش تقضيها كشرى وأكل مطاعم وكافيتريات

لازم تكون حاجة عليها القيمة ونا لا أرى طعاما عليه القيمة الا مايكون مطبوخا فى المنزل

جلست أفكر فى هذه المشكلة العويصة ماذا أطبخ لا سيما وأن كيلو البطاطس ب3 جنيه وكيلو الرز ب3جنيه برضه

لأ والادهى من ذلك كيلو البصل ب2.5جنيه

(لو الاسعار أرخص من كده حد يقوللى عشان اعرف انى كان بينضحك على)طب أعمل ايييه أعمل ايه ؟!!!!!!!!نزلت الشارع وعلى أقرب دكان (مش سوبر ماركت ) احنا يوم واحد فى الشهر ولسه ماقبضتش (الجمعة)

وهوب كيس مكرونة على بتاعة صلصة وكيس شيبسى كبير المهم حسبة عشرة خمستاشر جنيه

طبخت وكلت وظبط نفسى وبعدين النوم كبس بطريقة رهيبة نمت لحد الساعة 9 مساءقمت حاسس باكتئاب وقرف فظيع مش لاقى حاجة أعملها

طبعا أجاركم الله من الوحدة وبلاويها كفاية انها السبب فى الاذى اللى بتقروه دلوقتى

جلست من التاسعة وحتى الحادية عشرة أفكر والغم يغرقنى أفكر فى ميزانية الشهر الجديد والمرتب الذى انصرف من قبل أن آخذه

وفجأة

قلت لنفسى : سيبك من الكلام الفارغ ده يعنى ايه اللى هايحصل يعنى ؟

!قمت وتوضأت وبدلت ملابسى وخرجت

وفى الطريق اشتريت لنفسى هدية ليست غالية لأن الميزانية خربانة عالآخر

بس الهدية طبعا فى قيمتها المعنوية

وتوجهت بعد مشاورات الى كوبرى قصر النيل

وفى الطريق طبعا لم أكن أتوقع ان أرى أحدا يمشى وحده أبدا لكنى وجدت الكثير من الشباب يتمشى وحده مع نفسه

ياترى كم منهم يحتفل بعيد ميلاده وكم منهم هذا هو عيد ميلاده الحادى والعشرين!وكم منهم ميزانيته مخرمة معاه وكم....وكم...وكم...كثيييييير

انقضى الليل وأنا واقف على الكوبرى لمدة ساعتين

أفكر فى لاشئ

وأحلم لعامى الجديد بلاشئ

وأقلق فى الايام القادمة من لاشئ

حتى أنا بالنسبة لهذا العالم وهذه الحياة اللتى لا أفهمها ولا أحد منكم يفهمها

لا شئ

وفى طريق العودة

شاهدت مخبرين المباحث برخامتهم وقلة ذوقهم وهم يلقون بثقلهم على أحد باعة الذرة

طبعا ماهو عشان يعرف يقعد فى المكان بتاعه لازم كام كوز درة

وكام كيس لب من الراجل بتاع اللب

ومفيش مانع يكون فيه عقد فل أو وردة حمرا من بتوع الحبيبة

على أساس الرومانسية اللى بين الشعب المقهور والحكومة القاهرة (اسم على مسمى والله)

كان هذا الشئ الوحيد الذى فكرت فيه اثناء خروجى

ولكن لا أخفى عليكم أنى عدت الى بيتى انشط وأخف مما كنت

نصيحة منى

دلع نفسك بنفسك

جرب تحتفل بعيد ميلادك لوحدك فى أى مكان انشالله حتى عند المرشحة(بتوع طنطا عارفينها)

هات لنفسك هدية انشالله حتى عقد فل من ابو نص جنيه

اعمل لنفسك حفلة كل ماتحقق حاجة فى حياتك

خلى لنفسك وقت صغير كل فترة تقعد فيه مع نفسك

وما تفكرش فيه فى أى حاجة

ماتفكرش

ما تفكرش

يصح كده ؟

2007-03-12T13:46:00.000+02:00

انتهت صلاة الجمعة واستعد المصلون لختام الصلاة
ثم خرج صوته ضعيفا محشرجا أشيبا مثل شعر لحيته ورأسه
خرج صوته من بين شعيرات شاربه ولحيته الكثيفة قائلا:
ياجماعة .........أنا رجل كبير "
واقسم بالله العظيم في بيته
انى ليس لي أرض أزرعها ولا ولد يساعدني .
أعيش وحدي أنا وزوجتي المريضة بالجلطة توقف لسانها عن النطق
وتكاد تفقد ذاكرتها .
استدنت من كل من أعرف لأنفق على علاجها
لو متُّ الآن ماذا سيحدث ؟
لقد رفض رسول الله أن يصلي على ميت مديون
أقسم بالله أني لا أكذب
فساعدوني فرج الله عنكم ."
انتهت كلماته وغرق بعدها في عبراته ووقف بجوار باب المسجد منتظرا ما تجود به أيدي الخارجين من المسجد
لعله كان صادقا
ولعله كان كاذبا
والله أعلم به

ولكنه لم يكن يبدو على وجهه أمارات الكذب ولا الغش .
تأملت في حال هذه الدنيا وبلوى هذا الرجل الذي اضطرته ظروفه إلى أن يتسول اموال الناس

كيف تفكك مجتمعنا هكذا حتى يضطر الكبار إلى تسول لقمة عيشهم وثمن دوائهم
حتى لو كانوا كاذبين وكنها حجة يسوقونها حتى يستعطفوا قلوب الناس التي قست عليهم فألجاتهم إلى هذا .

نعم، ينبغي أن يكون هناك فقراء طالما هناك أغنياء ولكن بيس من العدل أن يتسولوا لقمة العيش ولا ثمن الدواء .............

الدستور

2007-03-01T09:56:00.000+02:00

جريدة الدستور المصرية

أين ذهبت

وماذا حدث

اختفت في ظروف غامضة

كنت دوما أتساءل لماذا هم صامتون عن ابراهيم عيسى

برغم اقتحامه المنطقة المحرمة

منطقة رئيس الجمهورية

وجرأته فى الكلام عن الرئيس

وعن الحكومة ورئيسها وأخطائها الكثيرة والمستمرة

ولكن

فعلا لعبوها صح

فتهمة اهانة رئيس الجمهورية لا محل لها

ولن تجعل منه سوى بطلا يتكلم الناس عنه

وأى تهمة سياسية لن تكون مقنعة لأحد

أما أن تكون التهمة من التهم العادية مثل الفساد أو التهرب الضريبى

فهى تهمة مضمونة لإبقائه بعيدا عن الساحة فترة لا بأس بها

ولكن من لايعرف الفساد المنتشر

ومن لايقدر مدى هشاشة وضعف النظام

ومن لا يرى تراجع دور الدولة محليا وعالميا

ان الأمر ياسادة لا يحتاج إلى ابراهيم عيسى

والأمر لا يحتاج لمن يذكرنا بهذا دائما

فنحن نراه يوميا بأعيننا

حسبنا الله ونعم الوكيل

فى الظالمين لأنفسهم

قبل ظلمهم لنا